Chal dikha mujhe apani Takat ae jindagi,
Jara ham bhi dekh le mujhe tod bhi pate ho ya khud hi main tutane se raha..

Aurat ke chehare par sharm kitana achha lagata hai na. jab ham kisi bachhe ko pyar se puchkare aur wo bhi shrma se apane sar ko niche kar le..Aese kai saare examples hain jinhe aap khud se soch sakte hain jiname aapako maza aata hai.

Par  mujhe aesa lagata hai ki sharm karne ki bhi jagah hoti hai usaka bhi ek aesa jagah hota hai jaha par wah bahut achha lagata hai aur jahir si baat uchit jagah par har ek kaam achha lagata hai aur usame maza bhi aata hai. Wahi doosari taraf jo kaam hame bahut achha lagata hai wahi kaam agar hame galat jagah par karni pad jaye to bahut bura lagata hai, same condition is sharm naamak bala ke saath bhi hota hai.
koi bhi kaam karne jaye ek baar duniya ki soch hi lete hain ki kya kahegi duniya..
use lagata hai ki duniya usake baare me aesa kahegi waisa kahegi..sochkar bahut sharma aa jata hai aur mann me ye khayal bhi aa jata hai ki nahi karna hai mujhe ye ktyonki duniya mere baare me aesa waisa sochegi.Agar isake sachaee wale pahalu ko dekha jaye to duniya ko utana lagata hi nahi hai jitana ki use lag jata hai aur apani journey ko start karte karte band kar deta hai bhale use pata ho ki yahi wo mauka hai jisake chalate wah apani kismat chamaka sakta hai.
Chalo ek pal ke liye main ye bhi maan leta hoon ki ha duniya tumhare baare me bahut kuchh sochegi aur khaskar bura hi sochegi aur aesi baat bhi bol degi jisase tumhe sharm aa jayega aur itana tough word use kar degi jise sunkar maut bhi ho jayegi..sorry ye kuchh jyada ho gaya..wo darasal baat ye hai ki dil ki baat likh raha hoon gussa bhi aa hi jati  hai...
chalo maana jo bhi tum sochate ho duniya bhi wahi galat chij tumhare baare me sochati hai..Lekin mujhe ye bata do ki
Kab tak duniya tumhare baare me ye galat chij sochegi ya kahegi jisase ki tumhe sharm aa jaye aur tumhe apana kaam band kar de??
Kya lagata hai tumhe jo kaam tum karne ja rahe ho usame tumhari bhalaee hai aur duniya ka koi bura bhi nahi ho raha hai to kya duniya tumhe wo kaam karne hi nahi degi??
jis duniya ki tum parwah kar rahe ho kya de rahi hai wo tumhe??
kal ko tumhari tabiyat kharab ho jaye aur bed par pade raho to ye duniya kitane dino tak apane khud ke paison se tumhara dekhbhal karegi??
Kya jawab hai tumhara in sab prashno ke?
in prashno ka simple sa jawab nikal kar aayega aur wo hoga duniya tumhara parwah nahi karti hai tumhe khud ka parwah karna hoga jo tum apane dimag me rakhe ho aur tumhe lag raha hai ki wo sahi hai to use karna hoga..
Har ek insaan *Name Fame Money* Inhi tin chijon ke liye marta hai yahi wo chijen hain jo insaan ko bada karne ko majboor kar deti hain aur dekha  jaye to yahi tin chijen hoti hai jo kisi desh ko biksit banati hai.
Aur agar ye sabhi chijen paani hain to hame parwah karni chhor deni hogi is duniya ki hame wo sab karna hoga jo hamare samajh se achha hai jisake bal par ham aage badh sakate hain ye tino chijen pa sakate hain jinhe Name Fame Money kahate hain .
Har ek chij ki simayein hoti hain kahi na kahi usaka ant hona nishchit hota hai thik isi prakar se sharm laaj ki bhi simayen hoti hai aur jab insaan isaka ant nahin karta hai to ye insaan ka bura karne lagata hai..
is sharm ko ek nischit sima tak kar diya jaye taki hamara bura na ho.
Duniya ki parwah chhoro aur duniya ko ye sikhao ki jindagi jite kaise hain..Duniya ke hishab se tum nahi balki duniya ko tum batao ki jite kaise hain. Ye batao duniya ko ki ham bhi wo hain jo karoro me ek hote hain.
so ham ye sikh sakate hain ki
duniya ki parwah karne se pahale khud ke baare me soche ki hamara bura na ho.
kisi ne bhi kya khoob likha hai-

Behter dinon ki aas lagatey huye Habib,
Hun behtreen din bhi ganwatey chale gaye..
Kya lagata hai aapako plz comment
Thanks for reading..

                      Chal Sauk Se aajama Mujhe Ae Jindagi,
                      Warna Main Bhul Jaumga ki Tu Chij Kya Hai.

 

Thoda sa dukh hua Nahi sorry jyada dukh hua Nahi sorry pata nahi kitana dukh hua...
Ek minute main ye aap pe saunp deta hoon Aap hi batana ye story padhane ke baad ki mujhe kitana dukh hua.

Dost Upar wale ka diye hua ek bahut hi anmol chij hota hai agar sacha dost insaan ko mil jaye to usaki jindagi sudhar jati hai. Ye bilkul sahi hai aur log bhi aesa hi kahate hain. So is baat par main jyada bahas nahi karoonga kyonki universial truth hai isame koi sak nahi hai.

Aaj meri poori charcha dosti par hi hogi.

Sache dost badi kismat walon ko hi milate hain. Yaha par ek chhoti si problem hai ki kaise pata lagaya jaye ki kismat meri badi hai ya chhoti? Khair wo baat alag hai ki samane gaadi aa gayi aur marate marate bach gaye to hame ye pata chal gaya ki ha meri kismat US samay sahi thi ab yaha par bhi wahi problem hamesha ke liye to pata nahi chal pata hai ki kismat hamari sahi hi rahaegi. Ye bhi ho sakata hai ki agali baar gadi samane aa gayi aur accident se ham mar jaye.
Abhi ham log dosti ki bat kar rahe hain to yaha par agar kismat ko samane se hata diya jaye to achha dost paane ke liye ham kisi ka achha dost hi ban jate hain. Kyonki ye bhi universal truth hai yadi tum kisi ka achha dost banate ho to wo bhi tumhara achha dost banane ki poori koshish karega.Are yaha par to Newton ka kriya pratikriya wala niyam bhi badi shaan se laagu hoga.

To chaliye main achha dost paane ke liye kisi ka achha dost banane ki poori koshish hi kar leta hoon..Par mere kuchh questions hain ki yaar kya lagata hai kurbani har baar mujhe hi deni hogi ya use bhi deni hogi?
Are maine bhi ye kya poochh diya jahir si baat hai kurbaani mujhe hi deni hogi kyonki achha dost to mujhe hi chahiye na? So chalo main kurbaani dene ke liye bhi taiyar hoon koi dikkat nahi hai mujhe ek sachha dost chahiye apane khushiyon ki kurbani de lenge usame kya hai.

Mujhe ek achha dost bhi mil gaya.!! Lekin yaar meri ek problem hai wo kyon har chhoti chhoti baaton me bahas karta hai? kyon use nahi lagata ki main bhi usake saath bahut galat kar sakata hoon? aur itana bada galat kar sakata hoon ki wo jindagi bhar apane kiye ka paschatap karega to bhi use sukoon nahi mil payegi. Kyon use ye nahi lagata ki har chhoti si baat par main bhi usaka bahut bada majak bana sakata hoon?
Kyon use ye nahi lagata jitane me bhi wo hai utane me main bhi hoon aur agar wo jyada tulana karna chahe mujhase to shayad main hi usase kahi jyada nikalunga.
kyon use nahi lagata hai ki yaar yaha par sab insaan hi hai kisi ka majak nahi banana chahiye kyonki ek din usaka bhi majak ban sakata hai?

Are ha main to bhul hi gaya tha achha dost to mujhe hi chahiye tha na use thodin chahiye. Ab jahir si baat hai use aesa kyon lagega. bhala use aesa kyon lagega ki maine usake liye kuchh chijen bhi ki hai jo ki usake atmasamman ke liye kafi importance rakhati hai. Chalo khair jane do Achha dost to mujhe chahiye tha usame bhala usako kuchh bhi karne ki koi jaroorat hi kyon hai. Ab to maine bhi maan liya ki haan mujhe to ye karna hi tha.
Yahi tak rahata to main kuchh nahin kahata mujhe usase koi sikayat nahi hoti. Lekin usane mujhe dhokha de diya yaar jo ki main bilkul bhi bardast nahi kar sakata usane mujhse wo chhinanae ki koshish kar dali jise main use de hi nahi sakata main apane aap se jis chij ko alaga karne ke liye hajar baar sochoon usane mujhse wahi mang liya. Aur yahi nahi usane mujhe dhokha dene ke baad mujhase wo maanga. Yaar bhai bahut dookh hua jab usane mujhase wo chij mang liya. Ab to dimag aur dil dono ka same question tha ki yaar DEEPAK tu pagal tha, gadha tha tu jo ek achha dost banane ki koshish ki. Ab meri jo normal jindagi thi jise main bahut shaan se jiya karta tha us dost ki wajah se bahut gadbad ho gai. Dil toot gaya mera. Ab jaha par main usako jagah diya tha usane wahi tod diya to fir ab usake ghar hi nahi bacha meri jindagi me na.??
Ab maine bhi socha chalo DEEPAK jaane do jindagi me sukh aur dukh to aate hi rahate hain kaha tak tum use uthate rahoge jo hua jaane do aur use bhi bhul jao jiski wajah se tumhe dukh mila tha.
Sahi bata raha hoon jab dil se ye aawaj aayi to mujhe bahut khushi hui  aur maine ye decide kar liya ki haan ab main un sab chijon ko bhul jaonga jinaki wajah se mujhe takleef hoti hai. Jindagi me akela hi khush hoon aur isaka maza bhi le raha hoon.Aur isame bhi koi sak nahi hai ki
yadi jyada door jana hai to tumhe halka hona hoga.. bhari rahoge to kaha tak ja sako.
Ye jindagi kewal meri jindagi nahi hai ye jindagi
jisane mujhe janma diya mere mata pita unaki jindagi hai
mere bhai bahan ki jindagi hai
jaha par main paida hua unaki jindagi hai
jis jagah par ya jis desh me rahata hoon unaki jindagi hai
majhe bada karna hai to in chhoti bato ko main dhyan me kyon rakhoon?

Ab main saari baaton ko aur un chijon ko bhulane ki proori koshish karta hoon jo mujhe aage badhane se rokane ke liye kisi bhi tarah se badhit karte hain.
Ab to maujhe yahi gungunane ka mann kar raha hai:
Teri Bewafai ka Sikawa karoon to,
Ye meri mohabbat ki tauhin hogi..

Kya lagata hai aapko? please comment in the comment box.
Thanks for Reading..

Kuchh yun mila Dard-e Gum jindagi me hame ae saki,
Ki ham to ye bhul gaye ki jindagi jina kahate kise hain.

Kisi ne kya khoob kaha hai ki jindagi hai hi kuchh aesi ki har mod par exam dena hota hai.
Maine bhi ye maan liya ki chalo thik hai exam dena hota hai to de lenge usane kya hai...
Sabhi jagah maine exam bhi diya hai bachpan se exam dete hue hi to aaya hoon, aadat bhi hai exam dene ki. Fir bhi kio exam dena pade to usame bhi koi dikkat nahi hai waha par bhi de lenge exam.
Lekin us samay main kaun sa exam dunga jab apane hi hamse ye poochh baithe ki kya saboot hai ki tum mere apane ho?
Mujhase yahi prashna kiya gaya...
Jara aap hi sochiye ki aapaka jawab kya hota...
Main to soch me pad gaya ki jiske liye hamesha se kuchh bhi karne ko main taiyar hoon aur use bhi ye bat pata hai, koi mujhe usaki kasam de de to bhi main kuchh bhi kar jaoon, koi usake baare me koi galat word use kar de to main usko apana sabase bada dusman manoon, ye baate jabaki usako bhi pata hai fir bhi agar ye mujhase poochh diya ki kya saboot hai kinwo mera apana hai.
kafi bidambana hai is baat ko lekar..
Are bas yahi tak nhi abhi aur bhi hai, usane mujhase ye bhi poochh liya ki kya tumhe pata hai ki dosti kya hoti hai????

Ab to maano ki bahut dard hua is baat ko sunkar. aur hona bhi chahiye jayaj hai.
Ab answer mujhe hi deni thi isliye maine socha ki chalo main use ye bata doon ki dosti use kahate hain jisame -
dost ko khoon ki jarurat ho to use khoon dena hota hai..
jaha par jyada aur falatu ki bahas karni pade waha par khud ki galati maan le aur waha jo galti hamane ki hi nahi usake liye sorry bole taki ristey kharab na ho balki aur bhi dosti gahari ho jaye.
pyar ki jaroorat ho to use pya diya jaye...
jaan ki jaroorat ho to jaan diya jaye..
finally har wo chij de de jisse dost khush rahe jisake liye dua ki jaaye ki dost hamesha sahi salamat rahe.
Aur maine aesa usi dost ke liye kiya bhi aur karne ki soch bhi rakhi thi jisane yaar bhai mujhase ye poochh liya ki kya tum dosti ka matlab bhi janate ho.
yaar main kuchh nahin kah saka aur jo bhi mere pass batane ko thi main wo bhi nahin bata paya. Lekin mann to ye kar raha tha ki use bithakar kai ghanto tak usako samjhaoon ki dosti kahate kise hain lekin main aesa nahi kar saka kyonki use main apana manata tha aur shayad manta bhi hoon. Use maine ye sab isliye nahi bataya kyonki shayad wo gusse me tha aur jyada bahas karne se dosti aur kharab hone ke chances bhi jyada the.

Chalo maan liya ki  maine upar jo kuchh bhi batayi hai wo dosti ke liye enough nahi hai, maan liya ki main galat hoon main nahi janata ki dosti kise kahate hain...

Par mera yaha par ek question hain ki kya usako pata hai ki dosti kise kahate hain????
kya usako pata hai ki dosti me kya kar dete hain log????
kya usako pata hai ki jo dosti karte hain wo ek dusare par bahut vishwas karte hain????
kisi tisare ke kahane par tum dosti par sak karte ho dosti tod dete ho, aur yahi nahi tum to ye bhi kahate ho ki ye last chance hai fir galati nahi hona chahiye..
Ab batao dukh hona chahiye ki nahi??
Mujhe lagata hai dukh hona yaha par bilkul jayaj hai. Mujhe bhi bahut dookh hua kyonki jo galati maine ki hi nahi thi usake liye maine use baar baar sorry bola..use baar baar in baaton se door hatana chaha taki ham koi dusare par baat kare taki dosti kharab na ho..
Isake bawajood bhi hamase ye kaha gya ki chalo ye tumhara akhiri mauka hai ab ye galati nahi hona chahiye .Is baat par mujhe pata nahi kyon aesa laga ki dosti ka matlab tumhe nahi pata hai.
Fir bhi maine kuchh nahi kha kyonki main to yahi soch raha tha ki yaar jab usane mujhase poochha hai ki dosti kise kahate hain to is baat ka use achhi tarah se pata hoga use pata hoga ki dosti kise kahata hain.
Chalo yaar jane do agar aesa hai ki main din raat apane dost ke baare me sochoon, har samay bas usako khush rakhane ki koshish karoon, har baar jo galati ki hi na ho usake liye bhi sorry mangane ke taiyar rahoon,  jab bhi baat karoon to dost ke smile ke saath khatma karoon, hamesha usaki parwah karoon, usaki khushi ke liye apani khushi bhi bhul jaoon...main aesa sochata hoon aur isake baad bhi tumhe lagata hai ki mujhe dosti ka matlab hi nahi pata hai to chalo yahi sahi mujhe dosti ka matlab nahi pata hai..
Yaar main aesa hi hoon aur rahunga kyonki mujhe nahi lagata ki mere andar aesi koi burai hai jo ye sabit kar sake ki mujhe dosti ka matlab hi nahi pata hai.
Main apane aap ko nahi change karunga.
Aur haan mujhe ye aakhiri mauka bhi nahi chahiye isliye maine socha ki chalo jo tha wo past me tha aur kashish to yahi hai ki main use bhul jaoon..
finally main ek chij samajh gaya ki
bekar me doosaro ki galti ko apane upar le lena bas usake aham ko badhawa deta hai.

Aur ha friends koi raay apaka hai to plz comment box me comment karke mujhe jaroor bataye..
mere bhavanaoon ko padhane aur samahjhane ke liye dhanyawad.